Улс орон даяар орон нутгийн сонгууль явагдаж, урьдчилсан дүн гараад байна.   Эрх баригч нам орон нутгийн сонгуульд ч үнэмлэхүй ялалт байгуулав.   Тэгвэл өнөөдөр Ерөнхий сайд У.Хүрэлсүх чуулганы хуралдаанд оролцож, байр сууриа илэрхийллээ.   Түүний илтгэлд “  Засгийн газар 2020 оны есдүгээр сарын байдлаар 9.3 их наяд төгрөгийн өр зээлийг төлсөн. Олон улсын байгууллагууд 2021 онд Монгол Улсын эдийн засаг хурдтай сэргэнэ гэж үзэж байна.Тухайлбал, Дэлхийн банк манай улсын эдийн засгийг 5.6 хувь, ОУВС найман хувьд хүрнэ гэж үзэж байна. Засгийн газар ирэх онд эдийн зсгийн өсөлтийг зургаан хувьд хүргэх төлөвлөгөөтэй ажиллаж байна.

Ирэх онд татвар нэмэхгүйгээр бизнесийг дэмжих бодлого барина. Татвараа хариуцлагатай, шударгаар төлдөг иргэн, аж ахуйн нэгжид дарамт учруулахгүй.

Эрүүл мэнд, боловсролын салбарын шинэчлэл, өөрчлөлтийн үр шимийг монгол хүн бүр хүртэнэ. Иргэд 2021 оноос эрүүл мэндийн даатгалаараа төр, хувийн бүх эмнэлгийн эрүүл мэндийн тусламжийг чанартай, шуурхай авах боломж бүрдэнэ.

Засгийн газар 2012 оноос хойш нэмээгүй байсан цэцэрлэг, сургууль, дотуур байрны хүүхдийн хоолны төсвийг 2021 оноос эхлэн 50 хувиар нэмсэн. Энэ нэмэгдлийг дахин нэмэх шаардлага байна.

Багшийн цалин урамшууллыг сурагчдын сурлагын амжилттай холбон нэмснээр багшийн нийгмийн асуудлыг шийдвэрлэх боломж бүрдэнэ гэдгийг дурьдлаа.

Эх сурвалж:www.udriintoim.mn  М.Өнөр