Энэ сарын 13-нд Хятадын Намрын баяр тохиож буйтай холбоотойгоор Хятадтай хиллэдэг хилийн боомтууд амарна. Тодруулбал, Замын-Үүд, Хавирга, Баянхошуу, Сүмбэр, Бичигт, Ханги, Гашуунсухайт, Шивээхүрэн, Бургастай, Булган, Даян хилийн автозамын боомтууд түр хаагдах юм. 

Хилийн боомт тэдгээрийн дэглэмийн тухай хоёр орны Засгийн газрын хэлэлцээрт талуудын хууль ёсны баяр, амралтын өдрүүдэд хилийн боомтыг хаана гэж заасан байна.

Манай улс жил бүрийн шинэ жил, цагаан сар, наадам, улс тунхагласны баяр зэрэг томоохон найман баяраар хилийн боомтуудаа амраадаг юм. Харин Хятадын талаас Луу завины өдөр, Хятадын үндэсний баяр, Олон улсын хөдөлмөрчдийн өдөр, Шинэ жил, Хятадын цагаан сар зэрэг уламжлалт долоон баяраар хоёр улсын хил амардаг байна.