Өдрийн Тойм - Чухлыг тоймлоно

                                       

Бид тоймлоё, Та унш

2019.08.26 Даваа                                         16°C  2,672.82  Жаргал үргэлжид ирнэ

Чухлыг тоймлоё 


Машиныхаа улсын дугаарыг бүрэн эсэхийг шалгаарай!

ТЦА-аас улсын дугаарын тоо, үсэг арилсан, засварласан, буруу суурилуулсан, зориудаар нуун далдалсан тээврийн хэрэгслийг ₮10-250 мянгаар торгоно гэж мэдэгдлээ. Иймд хөдөлгөөнд оролцохоосоо өмнө улсын дугаараа шалгахыг зөвлөж байна. 

Яагаад ийм шийдвэр гаргав? 

Жолооч нар хуурамч, хуучирч бүдгэрсэн улсын дугаар зүүж байгаагаас үүдэн эзэнгүй зам тээврийн осол ихээр бүртгэгдэж байгаа юм. Мөн хууль бусаар дугаар хэвлэж байгааг таслах зогсоох үүднээс уг арга хэмжээг эхлүүлээд байна. 

Гэмт хэргийн мэдээллийг өндөр үнээр авна  

Эзэн холбогдогч нь тодорхойгүй зам тээврийн осол, эрэн сурвалжлагдаж буй хүн, улсын дугаар хууль бусаар үйлдвэрлэдэг иргэн, албан тушаалтан, ААН-ийн талаарх мэдээллийг ТЦА төлбөртэй авдаг боллоо. Ямар мэдээлэл гэдгээсээ хамаарч ₮50 мянгаас ₮5 саяын урамшуулалтай байна.


100 айлын зам 10 сард ашиглалтад орно 

100 айлаас 32-ын тойрог хүртэлх 1.6 км замын ажил 80%-тай байгаа ба 10/1-нд бүрэн ашиглалтад орохоор боллоо. Уг нь төлөвлөгөөний дагуу 8/15-нд дуусах байсан ч шугам сүлжээ, газар чөлөөлөлттэй холбоотой асуудал тулгарсан байна. Тус зам нь 12 м өргөн, явган болон дугуйн замтай, 4 эгнээтэй, 200 машин зогсох төлбөртэй зогсоолтой байх юм.


Кимбаб Чонгүгийн салбарыг албадан хаалаа

НМХГ-аас үйл ажиллагааг нь зогсоосон байтал лац ломбыг зөвшөөрөлгүй авч ажиллаж байсан 40 мянгатын Кимбаб Чонгүгийн салбарыг прокурорын тогтоолоор албадан хаалаа. Учир нь тус салбарын хоолноос хар хорхой гарснаас гадна эрүүл ахуйн шаардлага хангаагүй, орон сууцны барилгыг хоолны газар болгон ашигласан зэрэг зөрчлүүд илэрсэн байна.


Японтой хийсэн гэрээгээ Солонгос цуцаллаа

Уг гэрээ нь Хойд Солонгосын цөмийн үйлдвэрлэлтэй холбоотой батлан хамгаалахын мэдээлэл солилцох зорилготой юм. Гэвч Япончууд худалдааны итгэлт түншийн жагсаалтаасаа Солонгосыг хассаны хариуд тус арга хэмжээг авсан байна. Тэд 20-р зууны үеийн Японы колончлолын асуудлаас болж таагүй харилцаатай байдаг ба Японы тал 7 сард Солонгост экспортын хориг тавьснаас болж худалдааны дайн эхэлсэн юм.


Дэлхийн хамгийн урт нислэгийг туршина

Австралийн нислэгийн компани 10-12 сард Лондон, Нью-Йорк хотоос Сидней рүү 19 цагийн туршилтын шууд нислэг үйлдэнэ гэж мэдэгдлээ. Ингэснээр нислэгийн үед хүний биед ямар өөрчлөлт орохыг судлах ба туршилтад нислэгийн компаний 40 ажилтан оролцох юм. Мөн нислэгийн багийнхны нойрны даавар, тархины долгионы үйл ажиллагааг шинжилнэ. Хэрэв туршилт амжилттай болбол нислэгийн салбарт томоохон өөрчлөлт авчирна гэж эрдэмтэд үзжээ.

Таны сонорт


Image result for cars on road icon Улсын дугаар нь сондгой тоогоор төгссөн машин 9/1 буюу Ням гарагт хөдөлгөөнд оролцоно.

Өдрийн тойм Статистик


Өдрийн тойм Сошиал  


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ