Өдрийн Тойм - Чухлыг тоймлоно

           

Бид тоймлоё, Та унш

2019.05.20 Даваа                                            18°C   2,645.21  Өнгө зүс доройтно

Чухлыг тоймлоё


Махны үнийг зохиомлоор өсгөсөн байх магадлалтай

Мах экспортлогч ААН-үүд их хэмжээгээр мах нөөцөлсөн байгааг тагнуулынхан шалгалтаар тогтоолоо. Тэд Эмээлтэд байрлах мах экспортлогч ААН-д гэнэтийн шалгалт хийсэн байна.

Хэчнээн ААН хэдэн тн мах нөөцөлсөн бэ?

Одоогоор тодорхойгүй байна. Гэхдээ Хятад болон дотоодын хэд хэдэн ААН махаа нөөцөлсөн нь илэрсэн юм. Ингэснээр махны зохиомол хомсдол, үнийн хөөрөгдөл үүссэн байх магадлалтай тул тагнуулынхан үргэлжлүүлэн шалгаж байна.

66 сая малтай Монголд мах тансаг хэрэглээ болов

Өнгөрсөн 7 хоногийн байдлаар үхрийн цул мах ₮16 мянга, хониных ₮10 мянга давсан үнэтэй байна. Энэ нь махыг их хэмжээгээр Хятад руу гаргаж байгаатай холбоотой гэж махны ченжүүд үзсэн ч ХХААХҮЯ-ны сайд үүнийг үгүйсгэсэн юм. Харин ЗГХЭГ-ын дарга Л.Оюун-Эрдэнэд ирсэн мэдээллээр дотоодын ААН-үүд зориудаар хомсдол үүсгэсэн байх сэжүүр илэрсэн тул ийнхүү тагнуулынхнаар шалгуулж байна.  


Эдийн засаг өсөж байна

Оны эхний улирлын байдлаар манай улсын ДНБ ₮3.5 их наяд болж, ЭЗ-ийн өсөлт 8.6%-д хүрлээ. Үүнд үйлчилгээний салбар, аж үйлдвэр, барилгын салбарын өсөлт голлон нөлөөлсөн байна. Өнгөрсөн онд ОУВС, Дэлхийн банкнаас манай улсын ЭЗ-ийг 8%-р өснө гэж таамагласан юм. Гэвч ЭЗ ийнхүү өсөж байгаа ч эмзэг хэвээр байгаа гэдгийг мэргэжилтнүүд сануулсаар байна.


2 аймагт газар хөдөллөө

Энэ сарын 16-нд Баянхонгор аймгийн Заг суманд 5.2 магнитуд, Сүхбаатар аймгийн Баяндэлгэр суманд 4.1 магнитудын хүчтэй газар хөдлөлт болжээ. Газар хөдлөлтийн чичирхийлэл иргэдэд мэдрэгдсэн ба ямар нэгэн хохирол учраагүй юм. Хэрэв газар хөдлөлтийн магнитуд 7-с дээш байвал сүйрэл авчирдаг ба манай улсын нийт хүн амын 86% нь 7-9 магнитудын газар хөдлөлтийн бүсэд амьдарч байна.


Тайваньд ижил хүйстнүүдийн гэрлэлтийг зөвшөөрлөө

Ингэснээр тус арал ижил хүйстнүүдийн гэрлэлтийг зөвшөөрсөн Азийн анхны улс боллоо. Гэхдээ тэд ижил хүйстнүүдийн гэрлэлтийг зөвшөөрөөгүй орны иргэдтэй гэрлэж болохгүй юм. Зарим оронд ижил хүйстнүүдийн эрх хөндөгдсөн хэвээр байгаа ба одоогоор дэлхийн 20 гаруй орон ижил хүйстнүүдийн гэрлэлтийг хуулиар зөвшөөрч байна.


Дэлхийн хамгийн “архичин” улсаар Их Британи шалгарлаа

Их Британичууд 2018 онд дунджаар 51 удаа согтсон үзүүлэлтээр дэлхийд архины хэрэглээгээрээ тэргүүллээ. Тэдний араас Америк, Канад, Астрали улсууд бичигдсэн бол Чили, Колумб архийг хамгийн бага хэрэглэдэг байна. Дэлхийн 1 хүнд ногдох архины хэрэглээ 1990-2017 онд жил бүр 0.7 литрээр нэмэгдсэн юм. Ийнхүү 2030 он гэхэд насанд хүрэгчдийн 50% нь архи уух гэнэ.

Таны сонорт


Image result for childs icon Хүүхдэд зориулсан үзэсгэлэн худалдаа 5/25, 26-нд цэцэрлэгт хүрээлэнд болно.

Өдрийн тойм Статистик


Өдрийн тойм Сошиал


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

 

ЭНЭ ӨДРИЙН ТОЙМ