Өдрийн Тойм - Чухлыг тоймлоно

                                            

Бид тоймлоё, Та унш

2020.08.25 Мягмар гариг                                21°C                2,851   Нас уртасна

Чухлыг тоймлоё 

Өндөржүүлсэн бэлэн байдлын зэргийг 15-н хүртэл сунгалаа

Улсын Онцгой комисс өнөөдөр 10:00 цагт хуралдаж, Гамшгаас хамгаалах хэсэгчилсэн өндөржүүлсэн бэлэн байдлын зэрэгт шилжүүлсэн хугацааг 2020 оны есдүгээр сарын 15-ны өдрийг дуустал сунгахаар санал нэгдсэн талаар бид мэдээлсэн.

Тэгвэл энэхүү шийдвэрийг Засгийн газрын өнөөдрийн ээлжит бус хуралдаанаар хэлэлцэж дэмжсэн байна. Ингэснээр одоогийн мөрдөгдөж буй дүрэм, журмууд  хэвээр байх нь. 

Харин нөхцөл байдлыг харгалзан 9 дүгээр сарын 15-наас хойш зарим хязгаарлалтын дэглэмийг сулруулах, цуцлах хүртэл арга хэмжээ авахаар төлөвлөжээ.

 

Өндөржүүлсэн бэлэн байдлын хугацаа сунгасан ч хичээл орно

 

Засгийн газрын ээлжит хуралдаанаар БШУЯ-ны гаргасан шийдвэрүүдийг хэлэлцсэн байна. Ингэхдээ ерөнхий боловсролын сургуулийн сурагчдын нэг ангид байх тоог 20-25 байлгахын тулд хичээлийн гурван өдрийг танхимаар, хоёр өдрийг гэртээ теле хичээл үзэх горимыг есдүгээр сарын 21-нийг хүртэл хэрэгжүүлэх урьдчилсан төлөвлөгөө гаргасан байна. Өөрөөр хэлбэл, цар тахлын үед сурагчдын тооны хязгаартай ч танхимын хичээлд бүрэн хамрагдуулахын тулд ингэж хуваахаас өөр аргагүй байгаа асуудал хуралдааны үеэр яригджээ. Тухайлбал, 50 сурагчтай ангийг хоёр хувааж өөр өөр цагт хичээллүүлэх юм байна. Багш нарын хувьд ажлын таван өдрөө бүтэн ажиллана. Нийслэлийн сурагчдын хувьд есдүгээр сарын 21-н хүртэл дээрх горимоор хичээллэх бол орон нутгийн сурагчдыг есдүгээр сарын 14-н хүртэл (3 ба 2 горимоор) хичээллүүлэх юм байна. Түүнээс хойш сурагчдыг таван өдөр танхимын хичээлд нь хамрагдуулахаар урьдчилсан байдлаар төлөвлөжээ.

 

Энэ талаарх зарим албаны хүний мэдэгдэл!

Засгийн газрын Хэвлэл мэдээлэлтэй харилцах албаны дарга Ц.Ганзориг “ Цар тахалтай холбоотойгоор есдүгээр сарын 1-нээс хичээл эхлэх боловч долоо хоногт гурван өдөр танхимаар, хоёр өдөр цахимаар хичээллэх түр журам гарсан.  УИХ-ын Нийгмийн бодлогын байнгын хорооны хуралдаанаар Боловсрол шинжлэх ухааны дэд сайд мөн энэ түр журмын үйлчлэх хугацаа ойрын хугацаанд дуусгавар болно. Өндөржүүлсэн бэлэн байдлын зэрэглэлийг есдүгээр сарын 15-ныг хүртэл сунгасан бөгөөд энэ нь хилээр нэвтрэх хөдөлгөөнийг хязгаарлах үндэслэл, халдвар тархахаас урьдчилан сэргийлсэн хуульзүйн үндэслэл. Цаашид соёл урлаг, спортын арга хэмжээдийн талаар мөн и-спортын төвүүдийг нээх талаар ажиллаж байна" гэлээ. 


 

Дахиад нэг чухал мэдээ

Засгийн газрын хуралдаанаас гаргасан шийдвэрийн талаар Хөдөлмөр, нийгмийн хамгааллын сайд А.Ариунзаяа мэдээлэл хийлээ. Тэрээр “Нийгмийн хамгааллын салбарыг бүхэлд нь цахимжуулах зорилго дэвшүүлсэн. Зургаан хуулийн дагуу олгож байгаа 12 үйлчилгээний төрөлд 1.5 сая хүн хамрагддаг. Үүнээс дөрвөн үйлчилгээг Ehalamj цахим хуудсаар авах боломжийг бүрдүүлж байна. Тэтгэмжийг ehalamj цахим хуудсаас гадна ТҮЦ машинаар авах боломжтой. Энэ системийг нэвтрүүлснээр 39 төрлийн материалыг бүрдүүлэхгүйгээр мэдээллийн сангаас авах боломжийг бүрдүүлж байгаа юм гэлээ. 

Цахимд шилжиж буй үйлчилгээнүүд:

  • Насны хишиг
  • Жирэмсэн эхийн тэтгэмж
  • 0-3 насны хүртэлх насны хүүхэд асарсны тэтгэмж
  • Ихэр хүүхдийн тэтгэмж
  • Одонтой ээж,
  • Өрх толгойлсон эцэг, эхийн тэтгэмжийг иргэд заавал банкинд, Халамж үйлчилгээний хэлтэст очих шаардлагагүйгээр дансаараа шилжүүлж авах боломжтой болжээ. 


 

 Фэйсбүүкийн хуучин загварыг ирэх есдүгээр сараас дахин ашиглахгүй

 Фэйсбүүкийн "classis" буюу хуучин загвар нь ирэх есдүгээр сараас эхлэн бүр мөсөн ашиглагдахааргүй болжээ. Engadget-ийн мэдээлснээр Фэйсбүүкийг дэмжих хуудас шинэчлэгдсэн бөгөөд тун удахгүй бүх хэрэглэгчид шинэ хувилбар ашиглах аж..

Одоогийн байдлаар хэрэглэгчид хуучин хувилбараа түр зуур ашиглах боломжтой ч хуучин хувилбар руу шилжихэд "есдүгээр сараас эхлэн хуучин Фэйсбүүкийн загвар ашиглах боломжгүй болно” гэсэн мэдэгдлийг илгээж байгаа аж.

Шинэ веб загварыг өнгөрсөн жил Фэйсбүүк хөгжүүлэгчдийн чуулганаар зарлаж, iOS, Android програмууд дээр нэвтрүүлж эхэлсэн байна.

 


 

  • "Оросын алтны нөөцийг нэмэгдүүлэх шийдвэр нь шинэ коронавирусийн пандеми, эдийн засгийн хямралын үеэр илүү зөв стратеги болж байна. Владимир Путины ийм шийдвэрийн буянаар Орос орон хожилтой үлдлээ" гэж немецийн Die Welt сонинд бичжээ. Тоймч Хольгер Цшепиц өөрийн өнгөрсөн онд хийсэн дүгнэлтээ буруу байсныг хүлээн зөвшөөрсөн. "Бодит байдал дээр орос лидерийн хийсэн “алтны маневр” нь  ухаалаг алхам болж байна. Нефть, байгалийн хийн үнэ олон жилийн доод хэмжээгээр унасан нөхцөлд ч Путин алт худалдан авахаа зогсоохгүй байхыг үүрэгдсэн байв.

 

 

 

Таны Сонорт 


Өнөө шөнө баруун болон төвийн аймгуудын нутгийн хойд хэсгээр, маргааш өдөр нутгийн баруун хагаст бороо орж, сэрүүсч, салхи, шуургатай байхыг малчид, иргэд, хадланчдад Цаг уур, орчны шинжилгээний газраас онцгойлон анхаарууллаа. 

 

 

Өдрийн тойм Статистик 


Сахалтай нисгэгчийг кинон дээр л харж болох болов уу.  Бодит байдал дээр нисгэгчид 1 см-ээс илүү сахлаа ургуулах ёсгүй гэнэ. Учир нь сахал нь хүчилтөрөгчийн багийг бүрэн зүүхэд саад учруулдаг.

 

 

 

Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ

2020-08-25
"Их, дээд сургуулийн онолын хичээлийг 100 хувь цахимаар заана"

2020-06-11
УИД-т гарсан галын шалтгаан, хохирлын хэмжээг тогтоохыг үүрэг болгов

2020-06-04
Бурхан багшийн мэндэлсэн өдрийг хэрхэн тэмдэглэх тухай мэдээлэв

2020-05-14
347 сонсогч ОХУ-ын армийн онгоцоор эх орондоо ирлээ

2020-05-12
Яармаг- Зайсан- Маршалын гүүр чиглэлд дугуйн зам барина

2020-05-07
Засгийн газраас  793 тэрбумын хоёр дахь багц арга хэмжээг танилцуулав

2020-05-06
Ерөнхийлөгч Энэтхэг рүү тусгай нислэг хийх санал хүргүүлжээ

2020-04-30
Тусгай үүргийн нислэгээр 807 иргэнээ авчирна

2020-04-29
УОК: Хөл хориог ирэх сарын 31-нийг хүртэл сунгав

2020-04-24
Ерөнхий сайд II эмнэлгийн нөхцөл байдалтай танилцав

2020-04-23
Нийслэлийн 13 байршилд ойн төгөл байгуулна

2020-04-21
С.Зориг агсны төрсөн өдөр тохиов

2020-04-17
ZOOM-ээр зохион байгуулсан “Хүний эрх" цахим уулзалт хакердуулжээ

2020-04-15
Абэ Шинзо нохойгоо эрхлүүлж, сэрэмжлүүлэв

2020-04-14
Индонезийн тосгоны сайн дурын “сүнснүүд”