Өдрийн Тойм - Чухлыг тоймлоно

         

Бид тоймлоё, Та унш


2018.11.15 Пүрэв                                                          -9°C   2,568.67  Нас уртасна


Өнөөдөр болох үйл явдал

Чухлыг тоймлоё


ЖДҮ-н зээлтэй гишүүдийг эсэргүүцсэн жагсаал болов 

Иргэд болон ТББ-ын төлөөллүүд Чингисийн талбайд жагсаж, зээл авсан гишүүдийг нэн даруй огцруулж, хариуцлага тооцох тулган шаардах бичгийг Ерөнхийлөгч, Ерөнхий сайдад хүргүүллээ.

Хулгайчид зүгээр өнгөрөх ёсгүй!

Жагсагчид эрх мэдэлтнүүд иргэдийнхээ амьдралын боломжийг хулгайлчхаад зөвхөн уучлалт гуйгаад өнгөрөх ёсгүй гэлээ. Хэрэв тэднийг "огцруулахгүй бол УИХ тар" гээд жагсаалаа суулт хэлбэрээр үргэлжлүүллээ. Гишүүд огцортол тэдний тэмцэл зогсохгүй гэв.

Гишүүд хариуцлага хүлээсэн үү?

Зөвхөн Б.Батзориг ХХААХҮЯ-ны сайдаас огцорсон. Мөн Ж.Энхбаяр Прокуророос бичиг ирвэл УИХ-ын гишүүнээсээ огцорно гэж мэдэгдэж, УИХ-ын дарга ерөнхий аудитор Д.Хүрэлбаатарыг ажлаа өгөхийг шаардсан юм. Харин зээл завшсан бусад гишүүд “ус балгасан” мэт Төрийн ордонд суусаар байна.


Хуванцар савнаас татгалзъя

Бидний нэрлэдгээр шар канистр, 120-ын сав зэрэг зориулалтын бус хуванцарт хонуулсан ус, сүү, айрган дахь хар тугалгын хэмжээ 3-4 дахин, төмөр 2 дахин, нитрит 11 дахин, аммиак 48 дахин, формальдегид 1800-6900 дахин ихэсдэг гэнэ. Хар тугалга нь хорт хавдрын эсийг идэвхжүүлж, ой ухааныг муутгадаг бол, формальдегид нь арьс салст болон амьсгалын замыг цочроох нөлөөтэй гэдгийг ЭМЯ анхаарууллаа.


Ид шидийн орон-2

Лантуун дохио ТББ-ын санаачилсан хүчирхийлэлд өртсөн хүүхдийг хамгаалж, тэдэнд чиглэсэн үйл ажиллагаа явуулах зорилготой Ид шидийн орон-2 төвийг Улиастайн эцэст байгуулахаар боллоо. Уг төвийг 2019/4 сараас барих ба санхүүжилт болох ₮740 саяыг Энержи Ресурс компани гаргажээ. Ид шидийн орон 1-г өнгөрсөн онд иргэдээс ₮1000 хандив цуглуулан, 150 хоногийн дотор Баянхошууд барьсан ба энэхүү төв нь хүчирхийлэлд өртсөн 52 хэргийг шийдвэрлэн, 70 хүүхдийг цэцэрлэгт үнэ төлбөргүй хамруулжээ.  


Нефть хамгийн доод үнэд хүрлээ

Өргөн хэрэглээний Брент нефть өнгөрсөн сард хамгийн дээд үнэ $85-ыг давсан ба үүнээс хойш нийт 25%-иар унаж баррель нь $65.11 боллоо. Харин Америкийн WTI нефть $55.69 болжээ. Энэ нь ОПЕК-ын орнууд 2019 оны нефтийн хэрэглээг өдрийн $1.29 сая гэж тооцон олборлолтоо хязгаарлах шаардлагатай гэж үзсэнтэй холбоотой гэнэ.


Дэлхийн хамгийн үнэтэй ягаан алмаз $50.3 саяар зарагдлаа

Ховор төрлийн тод өнгөтэй 19 каратын ягаан алмазыг Америкийн үнэт эдлэлийн Харри Уинстон брэнд дуудлага худалдаа эхэлснээс ердөө 5 минутын дотор худалдан авчээ. Энэхүү алмаз нь 100 орчим жилийн өмнө Өмнөд Африкаас олдсон бөгөөд 1920 оноос хойш огт засварлагдаагүй юм.

Таны сонорт


Related image Хоолны дэглэм барихад гаргадаг 7 алдаа.

Өдрийн тойм Статистик


Өдрийн тойм Сошиал


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ