Өдрийн Тойм - Чухлыг тоймлоно

         

Бид тоймлоё, Та унш

2019.03.26 Мягмар                                                      1°C   2,630.86  Өвчин ирнэ

Чухлыг тоймлоё


Монголын агаарын бохирдолд дэлхийн дулаарал буруутай

BBC агентлаг манай улсын агаарын бохирдлын талаар баримтат кино хийжээ. Тэнд өгүүлснээр УБ дэлхийн хамгийн их утаанд хордсон хотын 1 бөгөөд энэ нь дэлхийн дулааралтай холбоотой гэнэ.

Дэлхийн дулаарал утаатай ямар хамаатай гэж?

Сүүлийн жилүүдэд дэлхийн дулаарлаас үүдэж манай улсын цаг агаар 2.2 градусаар нэмэгдэж, зуд ихээр болжээ. Ийнхүү зудад малаа алдсан хөдөөний иргэд УБ-т шилжин ирж хүн амын хэт төвлөрөл үүсгэн яндангийн тоог нэмдэг байна.

Яах ёстой вэ?

Бидний утааны эсрэг авч хэрэгжүүлж буй арга хэмжээ нь барууны орнуудын 100 жилийн өмнөх хөгжил гэнэ. Тиймээс түлшний хэрэглээгээ бус технологио хөгжүүлж өндөр хөгжилтэй орнуудтай хөл нийлүүлэн алхахыг зөвлөжээ. Гэвч төр засгаас утаагүй зуух, нүүрс хориглосон шийдвэр, цахилгаан эх үүсвэрийг нэмэх зэрэг арга хэмжээ авч байна.


МАН-ын мартсаныг АН сануулна

Эрх баригчдад сонгуулийн амлалтыг нь сануулж, ЖДҮ-чдэд хариуцлага тооцохыг шаардан АН 4/5-нд жагсаал хийнэ гэж мэдэгдлээ. Мөн ШХАБ-т элсэхийг дэмжиж байгаа ЖДҮ авсан гишүүдийг хатуу эсэргүүцэх гэнэ. МАН-ын дотоод зодоонтой сүүлийн 3 жилд инфляци 1.3%-с 9% хувьд хүрч, барааны үнэ 23%-р өсөж, 1 хүнд ногдох өр ₮23.3 сая болсон гэдгийг МАН-д сануулах юм байна.


С.Зоригийн хэргийг нууцаас гаргах уу?

С.Зоригийн аллагатай холбоотойгоор яллагдсан хүмүүсийг хууль зөрчин эрүүдсэн гэх асуудал олны анхаарлыг татаад байна. Ийнхүү хууль бус эрүүдэн шүүлтэд өртөж хилс хэргээр ял авсан 2 хүнийг суллана гэж хууль зүй, дотоод хэргийн сайд Ц.Нямдорж мэдэгдсэн ба С.Зоригийн хэргийг шалгаж байсан 2 албан тушаалтныг АТГ-аас цагдан хорьсон гэж мэдэгдлээ. Үүнээс үүдэн ээлжит бус чуулганаар хэлэлцэх байсан АТГ-ын дарга, дэд даргыг чөлөөлөх, Прокурорын орлогчийг томилох асуудлыг С.Зоригийн хэрэг шийдэгдтэл хойшлуулахаар боллоо. Ийнхүү жил бүрийн сонгуулиар сөхөгддөг С.Зориг агсны хэргийн ээлжит дуулиан эхэллээ.


Орос цэргийн 2 онгоцоо Венесуэл руу илгээжээ

Оросын 100 гаруй цэрэг, 35 тн техник хэрэгсэл ачсан 2 онгоц 3/23-нд Каракас хотын нисэх буудалд газардсан гэж Венесуэлийн сэтгүүлч мэдэгдлээ. Одоогоор 2 орны Батлан хамгаалахын яам уг асуудалд хариулт өгөөгүй байна. Харин Мадуро Орос 12 сард хийсэн хамтарсан цэргийн сургуулилтын үеэр Венесуэл руу цэргийн 2 онгоц илгээж, 2 сард 300 тн хүмүүнлэгийн тусламж үзүүлсэн гэж мэдэгджээ.


Хятадын Нэг бүс-Нэг зам төсөлд Итали нэгдлээ

Ингэснээр Итали уг төсөлд хамтран ажиллах Их 7-ын анхны улс болсон ба Хятадаас $22.6 тэрбумын хөрөнгө оруулалт авах гэнэ. Мөн Италийн бүтээгдэхүүн Хятадын зах зээлд чөлөөтэй нэвтэрснээр эдийн засаг нь сайжрах юм. Гэвч энэ нь Хятадын өрийн бодлогын 1 хэсэг гэх хардлага байдаг ба Герман, Франц, Нидерланд зэрэг ЕХ-ны орнууд уг явдлыг эсэргүүцсэн байна. Хятад худалдааны дайнаас хохирол амсахгүйн тулд Европ, Африк, Ойрхи Дорнодыг холбосон их газар, далайн тээврийн зам тавих Нэг бүс-Нэг зам төслийг 2013 онд эхлүүлсэн юм.

Таны сонорт


Related image Засвар шинэчлэлтэй холбоотойгоор Хүнсний 20-ийн нүхэн гарцыг 4/25 хүртэл хаалаа.

Өдрийн тойм Статистик


Өдрийн тойм Сошиал


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ