Өдрийн Тойм - Чухлыг тоймлоно

                                       

Бид тоймлоё, Та унш

2019.10.18 Баасан                                              14°C  2,674.62  Өлсөж ундаасна

Чухлыг тоймлоё 


Гадаад иргэдийн бичиг баримтад шалгалт хийлээ

Манай улсад 28268 гадаадын иргэн ажиллаж, амьдарч байгаа ба шалгалтаар визний хугацаа хэтрүүлсэн, зөвшөөрөлгүй хөдөлмөр эрхэлсэн, оршин суух зөвшөөрлийн хугацааг хэтрүүлсэн зөрчил илэрчээ.

Нигер иргэдэд виз олгохгүй 
Сүүлийн үед гадаад иргэд хар тамхины хэрэгт холбогдож буйтай холбоотойгоор Нигерийн иргэдэд виз олгохыг түр зогсоолоо. Учир нь Нигерийн 2 ч иргэн хар тамхины хэрэгт холбогдсон ба 1 сард сургалтын төвд багшилж байсан Ш нь ₮300 саяын үнэ бүхий хар тамхи шуудангаар оруулж ирсэн юм. Мөн 9 сард Монголд багшлахаар ирсэн Нигерийн иргэн 6 гр мансууруулах бодис хадгалж байжээ.

Барилгачнаас махны ченж 
Зам гүүр барих зөвшөөрлөөр орж ирсэн Хятад иргэд махны үйлдвэрт ажилласан зөрчил маш их байгаа юм. Энэ нь ЗГ-с олгосон гадаадаас ажиллах хүчин авах квотыг ААН-үүд зарж байгаатай холбоотой гэнэ. Одоогоор Хятадын 41 иргэнийг албадан гаргаж, 114 хүний оршин суух зөвшөөрлийг цуцлаад байна.


Нянтай бассейн 

Саншайнь виллаж хотхоны оршин суугчид хордлого авсантай холбоотойгоор төвлөрсөн шугамд холболоо. Учир нь тус хотхон төвийн шугамд холбогдоогүйгээс болж иргэдийн усны хэрэгцээг гүний худгаас хангадаг байсан юм. Гэвч гүний худаг болон бассейнаас гэдэсний бүлгийн савханцар нян илэрсэн ба одоогоор хэчнээн иргэн хордлого авч ХӨСҮТ-д хэвтсэн нь тодорхойгүй байна.


Тэд уучлахгүй 

УИХ-ын гишүүдийн хөрөнгө орлогын мэдүүлгийг шалгах эрхийг АТГ-т олгох заалтыг Авлигын эсрэг хуульд нэмэлтээр оруулахыг Бид уучлахгүй хөдөлгөөнөөс шаардлаа. Учир нь гишүүдийн хөрөнгө орлогын асуудлыг Ёс зүйн дэд хороо шалгадаг ба одоогоор Х.Нямбаатар, Л.Оюунчимэг, Ж.Мөнхбат нарын орлого огцом нэмэгдсэн асуудлыг шалгаж байна. Эдгээр гишүүдийн хөрөнгө орлого 3 жилийн хугацаанд ₮400-800 саяар нэмэгджээ.


Хүчирхийлэгчдийг баривчиллаа 

Дарк вебд тавигдсан хүүхдийн порно бичлэгтэй холбоотой 12 орны 337 хүнийг ОУ-н цагдаа нар баривчиллаа. Тус вебд нярай болон бага насны хүүхдийг хүчирхийлж буй 200 мянга гаруй бичлэг байсан ба криптовалютаар худалддаг байжээ. ОУ-ын цагдаа нар одоогоор 23 хүүхдийг авраад байна.


Токиогийн олимпын хуваарьт өөрчлөлт орлоо 

2020 онд тохиох хэт халалтаас болж марафон, спорт алхааны тэмцээнийг Токиогоос 800 км зайтай Саппоро хотод явуулахаар боллоо. Учир нь Саппоро хот Токиогоос 6 хүртэл градусаар сэрүүн байдаг аж. Мөн олимпын зохион байгуулагчид сүүдэр үүсгэх, ус цацах зэрэг арга хэмжээ авах ба гадаа зохиогддог тэмцээнийг нар багатай үед явуулахаар болжээ.

Таны сонорт


Баруун аймгаар өнөөдөр цасан шуурга шуурна.

Өдрийн тойм Статистик


Өдрийн тойм Сошиал    


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ