Өдрийн Тойм - Чухлыг тоймлоно

                                           

Бид тоймлоё, Та унш

2019.12.13 Баасан                                                          -8°C 2,723.82 Өвчин ирнэ

Чухлыг тоймлоё 


НДШ нэмэгдэхгүй

НДШ-г 2%-р нэмэхгүй байх Ерөнхийлөгчийн хоригийг УИХ 51.2%-н саналаар хүлээн авлаа. Ингэснээр 2020 оноос НДШ-г нэмэхгүй болж байна. Мөн зам ашигласны төлбөрийг 5 дахин нэмэгдүүлэх асуудлыг НИТХ-р дахин хэлэлцүүлэхээр болсон юм.

Хоригтой холбоотой өөрчлөлтүүд 
Капиталд байсан ₮240 тэрбумыг буруутай этгээдүүдээр төлүүлэх ажлын хэсгийг байгуулна. Мөн 2020 оны Төсвийн тухай болон холбогдох хуульд нэмэлт, өөрчлөлт оруулах юм. Төсөвт тусгаснаар НДШ-н нэмэгдлээс ₮174.2 тэрбумыг төвлөрүүлнэ гэж тооцжээ.

Татвар нэмэхгүй амлалт-Нэмсэн татвараа цуцлах попрол 
Татвар нэмэхгүй, шинэ төрлийн татвар гаргахгүй гэх нь МАН-ын сонгуулийн топ амлалтуудын 1 байв. Гэвч тэд татвартай холбоотой эргэж буцсан шийдвэр гаргасаар байгаа ба 2018 онд 7 төрлийн татвар нэмсэн ч иргэдийн эсэргүүцэлтэй тулгарснаар ХХОАТ-ын шатлалыг зогсоож, 10% хэвээр үлдээсэн юм.


Айраг исгэх уламжлал ЮНЕСКО-д

Хөхүүрийн айраг исгэх уламжлал, холбогдох зан үйлийг ЮНЕСКО-д бүртгүүллээ. Манай улс Соёлын биет бус өвийг хамгаалах тухай конвенцид 2003 онд нэгдэн орсноос хойш уртын дуу, тууль, бий биелгээ, морин хуур зэрэг 15 өвийг бүртгүүлээд байна. 


Улсын өр $2 тэрбумаар өсжээ

ҮСХ-ны мэдээлснээр улсын гадаад өр $29.9 тэрбум, ЗГ-ын өр ₮22.7 их наяд болжээ. ЗГ-ын өрийн 85.1% нь гадаад өр, 4.7% нь өрийн баталгаа, 4% нь концесс байгаа юм. Манай улс 2021-2024 онд Мазаалай, Чингис, Самурай, Гэрэгэ, Хуралдай бондын нийт $2.9 тэрбумын өрийг төлнө.


Трампын хүү зөвшөөрөлгүй аргаль агнажээ

Трамп Жуниор 8 сард Монголд аялахдаа зөвшөөрөлгүй аргаль агнасан гэж ОУ-ын эрэн сурвалжлах сэтгүүлчид мэдээллээ. Аргаль агнах зөвшөөрлийг аяллаас сарын дараа буюу ерөнхийлөгч Трамп Х.Баттулгатай уулзах үеэрээ гаргуулсан гэнэ. Өнгөрсөн оны байдлаар манай улсад 100 гаруй аргаль байжээ.


Оросын боксчид олимпд оролцохгүй 

Тэд Оросын тамирчдад тавьсан 4 жилийн хоригоо цуцлахыг Дэлхийн допингийн эсрэг агентлагаас шаардлаа. Тэд Олимпын хорооны нэр дээр олимпд оролцохгүй гэсэн юм. Мөн Оросын парламент олимптой ижил ОУ-ын спортын наадмыг нутагтаа зохионо гэж мэдэгджээ.

Таны сонорт


Related image Шинэ оноо гаргахад тохиромжтой дулаан орнууд.

Өдрийн тойм Статистик


Өдрийн тойм Сошиал    


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ