Бид тоймлоё, Та унш

2018.08.20 Даваа                                      21°C   2,464.56  Өвчин өчүүхэн ирнэ

Чухлыг тоймлоё


Путин Меркел нар уулзлаа  

Тэд юу ярив?

Украинаар дамжин Орос, Европыг холбох байгалийн хийн хоолой барих асуудлыг онцлон ярилцлаа. Мөн Сири, Ираны талаар ярилцаж, Путин дүрвэгчдийг гэрт нь буцаахын төлөө ажиллахаа амлаж, Меркел Ираны цөмийн гэрээг авч үлдэхэд анхаарна гэв.

Хувийн бизнесийн асуудал…

Байгалийн хийн хоолой $11 тэрбумаар бүтэх бөгөөд удирдагчид “энэ бол хувийн бизнесийн асуудал” гэжээ. Жилд 55 тэрбум куб.м хий нийлүүлдэг Орос, Беларусь, Польш зэргийг холбодог хоолойгоос 2 дахин их багтаамжтай уг хоолой 2019 оны сүүлээр ашиглалтад орно.

Уулзалт бүгдэд таалагдсангүй

Америкийн ерөнхийлөгч Доналд Трамп уулзалтыг “том алдаа” гээд, хийн хоолойн төслийг дэмжсэнээр Германы эрчим хүч Оросоос илүү их хамааралтай болно гэжээ.


Д.Гантулгын шүүх хурал хойшиллоо

Гишүүн асан Д.Гантулгын шүүх хурал Баасан гарагийн 10:00 цагт БЗД, ЧД, СБД-ийн эрүүгийн хэргийн анхан шатны шүүхэд зарлагдсан ч хохирогч “Н” олгой авхуулж байгаа гэх шалтгаанаар шүүх хурал хойшиллоо. Ийнхүү шүүх хурлыг 8/24-ний 11:00 цагт хаалттай явуулахаар болов.


Төрийн албаны зөвлөлийн даргыг чөлөөлөх санал хүргүүллээ

ЗТХЯ-ны дарга нарын нэгнийхээ аминд хүрсэн хэргээс үүдэн Төрийн албаны зөвлөлийн даргыг үүргээ биелүүлж, сахилга хариуцлагыг нэмэгдүүлж чадаагүй гэж Ерөнхийлөгч үзжээ. Ийнхүү чөлөөлөх саналаа УИХ-ын даргад хүргүүлж, мөн 60 тэрбумын эздэд хариуцлага тооцохгүй байгаа нь албан хаагчдын сахилга хариуцлагыг улам дордуулсан гэжээ.


Хятад Америк руу дайралт хийхээр бэлдэж байна гэв

Хятадын арми өнгөрсөн 3 жилд тэнгисийн бөмбөгдөгч онгоцны удирдлагын талбайгаа өргөтгөж Америк болон холбоотнууд руу дайрахаар бэлтгэж байна гэж Америкийн цэргийн яам Пентагон мэдээлжээ. Мөн Тайванийг тусгаар тогтнуулахгүйн тулд цэргийн нөөцөө ихэсгэсэн гэнэ. Хятадын цөмийн бөмбөгдөгч онгоц 10 жилийн дотор бэлэн болох магадлалтай ба 5 сард анхны туршилтаа хийжээ.

Таны сонорт


 Дарь-Эх Ганц худаг чиглэлийн замыг 8/26 хүртэл хаана.

Өдрийн тойм Статистик


Өдрийн тойм Сошиал


Зохиогчийн эрх © 2018 Өдрийн Тойм, Бүх эрх хуулиар хамгаалагдсан

Холбоо барих:
+976-76000078
info@udriintoim.mn
Монгол, Улаанбаатар, СБД, Сүхбаатарын талбай, Эрдэм Тауэр

ЭНЭ ӨДРИЙН ТОЙМ