Ирэх дөрөвдүгээр сарын таванд Хятадад Ханш нээх баярын өдөр тохионо. Үүнтэй холбогдуулан Монгол Хятадын хилийн авто замын боомтууд  амрах юм. Харин олон улсын галт тэрэг болон онгоцны нислэгүүд хуваарийн дагуу зорчих болно.

Хилийн боомт тэдгээрийн дэглэмийн тухай хоёр орны Засгийн газрын хэлэлцээрт талуудын хууль ёсны баяр, амралтын өдрүүдэд хилийн боомтыг хаана гэж заасан байна.

Дашрамд дурдахад, манай улс жил бүрийн шинэ жил, цагаан сар, наадам, улс тунхагласны баяр зэрэг томоохон найман баяраар хилийн боомтуудаа амраадаг юм.

Харин Хятадын талаас Луу завины өдөр, Хятадын үндэсний баяр, Олон улсын хөдөлмөрчдийн өдөр, Шинэ жил, Хятадын цагаан сар зэрэг уламжлалт долоон баяраар хоёр улсын хил амардаг байна.