Энэ оны жүдо бөхийн насанд хүрэгчдийн эрэгтэйчүүдийн 33, эмэгтэйчүүдийн 24 дэх ДАШТ наймдугаар сарын 26-наас есдүгээр сарын нэгний хооронд Токио хотноо болно. Энэхүү ДАШТ нь ирэх оны олимпын өмнөхөн болж буйгаараа онцлогтой бөгөөд Токио-2019 ДАШТ-д манай улс бүтэн багаараа оролцох юм. 

Монголын жүдо бөхийн холбооноос энэ жилийн ДАШТ-д оролцох тамирчдын нэрсийг батлан гаргасан бөгөөд Монголын эрэгтэй эмэгтэй нийлсэн 19 тамирчин Токиод зодоглох юм. 

Тухайлбал, +100 кг-д олимпын хошой медальт Н.Түвшинбаяр, ДАШТ-ий хүрэл медальт Ө.Дүүрэнбаярын хамт, -48 кг-д МУГТ М.Уранцэцэг, -60 кг-д МУГТ А.Амартүвшин тэргүүтэй бөхчүүд зодоглоно. Харин энэ удаад олимп, дэлхийн медальт Д.Сумъяа өнжих бол -57 кг-д ОУХМ Л.Энхрийлэн гэмтлийн улмаас оролцох боломжгүй болжээ.

Мөн манай тамирчдаас энэ жил -48 кг-д ОУХМ Г.Наранцэцэг, -52 кг-д Л.Сосорбарам, -70 кг-д Ц.Энхчимэг, -78 кг-д О.Мөнхцэцэг нар эрэгтэйчүүдээс ганц ОУХМ Ё.Басхүү -66 кг-д ДАШТ-д анх удаагаа оролцохоор болсон байна.

ДАШТ-д оролцох Монголын шигшээ багийн бүрэлдэхүүн:

  1. О.Балжинням                           Ахлах дасгалжуулагч   МУ-ын хөдөлмөрийн баатар
  2. Х.Эрдэнэт-Од                           Дасгалжуулагч                               МУГТ
  3. Т.Томоо                                      Дасгалжуулагч Япон улсын иргэн
  4. Г.Дашдаваа                               Дасгалжуулагч                              ОУХМ
  5. Ш.Цэвэлмаа                             Дасгалжуулагч     МУ-ын гавьяат дасгалжуулагч
  6. Л.Лувсандэмбэрэл                 Дасгалжуулагч                             ОУХМ
  7. Д.Амартүвшин                       -60 кг                                             МУ-ын гавьяат тамирчин
  8. Ё.Басхүү                                   -66 кг                                       ОУХМ
  9. Ц.Цогтбаатар                         -73 кг                                             ОУХМ
  10. Г.Одбаяр                                  -73 кг                                             МУГТ
  11. О.Ууганбаатар                       -81 кг                                             ОУХМ
  12. Г.Алтанбагана                        -90 кг                                              ОУХМ
  13. Л.Отгонбаатар                      -100 кг                                           ОУХМ
  14. Ө.Дүүрэнбаяр                        +100 кг                                          ОУХМ
  15. Н.Түвшинбаяр                      +100 кг                                           МУ-ын хөдөлмөрийн баатар
  16. М.Уранцэцэг                          -48 кг                                              МУГТ
  17. Г.Наранцэцэг                        -48 кг                                             ОУХМ
  18. Л.Сосорбарам                       -52 кг                                             ОУХМ
  19. Б.Хорлоодой                         -52 кг                                              ОУХМ
  20. Л.Энх-Отгон                          -57 кг                                             ОУХМ
  21. Б.Ганхайч                              -63 кг                                              ОУХМ
  22. Б.Мөнгөнчимэг                   -63 кг                                               ОУХМ
  23. Ц.Энхчимэг                          -70 кг                                               ОУХМ
  24. О.Мөнхцэцэг                        -78 кг               ОУХМ
  25. Г.Пунцагцэрэн                     -90 кг /Багийн барилдаанд оролцоно/ ОУХМ
  26. Э.Ариунболд                        -60 кг /бэлтгэл хангагч/                 ОУХМ
  27. Д.Сумъяа                              -57 кг /бэлтгэл хангагч/             Монгол Улсын хөдөлмөрийн баатар
  28. О.Шинэбаяр                       -73 кг /бэлтгэл хангагч/                  ОУХМ
  29. Э.Гэрэлмаа                         -48 кг /бэлтгэл хангагч/                ОУХМ
  30. П.Бат-Очир                                Эмч
  31. З.Самдан                               Бариач