УИХ-ын намрын чуулган 10:00 цагт 62.7 хувийн ирцтэйгээр эхэллээ. Чуулганыг нээж УИХ-ын дарга Г.Занданшатар үг хэлсэн ба хуралдаан үдээс хойш үргэлжлэхээр боллоо. 

Энэ удаагийн намрын чуулганаар Үндсэн хуулийн өөрчлөлт, 2020 оны төсөв зэргийг эцэслэн батлан юм. Мөн засаг захиргааны чиглэлийн шинэчлэл хийгдэж, хууль шүүхийн багц хууль, Сонгуулийн болон Улс төрийн намын тухай хуульд нэмэлт өөрчлөлт оруулахаар төлөвлөжээ. 

Намрын ээлжит чуулганаар дараах асуудлыг хэлэлцэнэ. 

  1. Монгол Улсын 2020 оны төсвийн тухай хууль;
  2. Нийгмийн даатгалын сангийн 2020 оны төсвийн тухай;
  3. Эрүүл мэндийн даатгалын сангийн 2020 оны төсвийн тухай;
  4. Төрөөс мөнгөний бодлогын талаар 2020 онд баримтлах үндсэн чиглэл батлах тухай Улсын Их Хурлын тогтоолын төсөл;
  5. Монгол Улсын Үндсэн хуулийн нэмэлт, өөрчлөлтийг дагаж мөрдөхөд шилжих журмын тухай хуулийн төсөл;
  6. Монгол Улсын Их Хурлын сонгуулийн тухай хуулийн төсөл;
  7. Монгол Улсын Ерөнхийлөгчийн сонгуулийн тухай хуулийн төсөл;
  8. Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийн төсөл;
  9. Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл;
  10. Нийслэлийн эрх зүйн байдлын тухай хуулийн шинэчилсэн найруулгын төсөл болон холбогдох бусад хуулийн төсөл;
  11. Хот тосгоны эрх зүйн байдлын тухай хуулийн төсөл;
  12. Өргөн нэвтрүүлгийн тухай хуулийн төсөл болон холбогдох бусад хуулийн төсөл;
  13. Тогтоолын хавсралтад нэмэлт, өөрчлөлт оруулах тухай Улсын Их Хурлын тогтоолын төсөл;
  14. Хөгжлийн бодлого төлөвлөлтийн тухай хуулийн шинэчилсэн найруулгын төсөл;
  15. Хүнсний тухай хуульд өөрчлөлт оруулах тухай болон Хүнсний бүтээгдэхүүний аюулгүй байдлыг хангах тухай хуульд нэмэлт, өөрчлөлт оруулах тухай хуулийн төсөл;
  16. Таримал ургамлын үр, сортын тухай хуулийн шинэчилсэн найруулгын төсөл болон холбогдох бусад хуулийн төсөл;
  17. Гэр бүлийн  тухай хуулийн шинэчилсэн найруулгын төсөл;
  18. Хөдөлмөрийн тухай хуулийн шинэчилсэн найруулгын төсөл болон холбогдох бусад хуулийн төсөл;
  19. Нөхөн үржихүйг дэмжих зохицуулалтын тухай болон холбогдох бусад хуулийн төсөл;
  20. Нийгмийн даатгалаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай болон холбогдох бусад хуулийн төсөл;
  21. Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төсөл;
  22. Эрүүгийн хуульд өөрчлөлт оруулах тухай хуулийн төсөл;
  23. Эрүүгийн хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төсөл;
  24. Өмгөөллийн тухай хуулийн төсөл;
  25. Аялал жуулчлалын тухай хуулийн шинэчилсэн найруулгын төсөл;
  26. Эрдэс баялгийн ил тод байдлын тухай хуулийн төсөл;
  27. Далай ашиглах тухай хуулийн шинэчилсэн найруулгын төсөл;
  28. Өрсөлдөөний тухай хуулийн шинэчилсэн найруулгын төсөл;
  29. Зөвшөөрлийн тухай хуулийн шинэчилсэн найруулгын төсөл болон холбогдох хууль, УИХ-ын тогтоолын төсөл;
  30. Эх оронч худалдан авалтын тухай хуулийн төсөл;
  31. Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл;
  32. Шинжлэх ухаан, технологийн тухай хуулийн төсөл;
  33. Бусад асуудлыг хэлэлцэнэ. 

Сануулбал, ээлжит бус Даваа гарагт хаалтаа хийсэн ба нэгдсэн хуралдаан 14 удаа, 68 цаг хуралдсан байна. Нийт 23 асуудал хэлэлцэн, 275 удаа санал хураалт явуулжээ.