Өнөөдөр Улаанбаатар хотод өдөртөө -1 градус дулаан, бага зэргийн үүлтэй, салхи 7 м/с байна. Харин шөнөдөө -7 хэм хүрч үүлших бөгөөд цас орохгүй.

Баруун аймгуудын нутгаар: Өдөртөө цас орохгүй, солигдмол үүлтэй бол шөнөдөө Хангайн уулархаг нутгаар бага зэргийн цас орж, явган шуурга шуурна. Салхи баруунаас секундэд 6-11 метр хүрнэ. Алтай, Хангайн уулархаг нутаг, Хүрэн бэлчир, Завхан голын эх, Идэр, Тэс голын хөндийгөөр шөнөдөө 17-22 градус, өдөртөө 3-8 градус, Алтайн өвөр говиор шөнөдөө 3-8 градус хүйтэн, өдөртөө 2-7 градус дулаан, бусад нутгаар шөнөдөө 8-13 градус хүйтэн, өдөртөө -2 градусаас 3 градус дулаан байна.

Төвийн аймгуудын нутгаар: Шөнөдөө зарим газраар, өдөртөө нутгийн зүүн хэсгээр бага зэргийн цас орж, явган шуурга шуурна. Салхи баруун хойноос секундэд 6-11 метр, Дархадын хотгор болон Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр шөнөдөө 11-16 градус, өдөртөө 3-8 градус, бусад нутгаар шөнөдөө 5-10 градус хүйтэн, өдөртөө 3 градус хүйтнээс 2 градус дулаан байна.

Зүүн аймгуудын нутгаар: ихэнх нутгаар үүлшиж, шөнөдөө Хэнтийн уулархаг нутгаар, өдөртөө зарим газраар бага зэргийн цас орж, явган шуурга шуурна. Салхи баруун өмнөөс хойш эргэж секундэд 7-12 метр хүрч, нутгийн баруун хэсгээр шөнөдөө 7-12 градус, бусад хэсгээр 3-8 градус хүйтэн, өдөртөө хүйтэрч бүх нутгаар 3 градус хүйтнээс 2 градус дулаан байна.

Говийн аймгуудын нутгаар: Үүлших ч цас орохгүй. Салхи баруунаас секундэд 7-12 метр. Шөнөдөө Өмнөговийн нутгаар 0-5 градус, бусад нутгаар 4-9 градус хүйтэн, өдөртөө Дундговийн нутгаар 1 градус дулаанаас 4 градус хүйтэн, бусад нутгаар 3-8 градус дулаан байна.